Ye mere 12 class ke picnic ki baat hai ham sab logo ne mahabaleshwar jaane ka plan banaya tha. Lekin class ke sabhi log jaane ke liye nahi maane aur sirf 15 log total hi maane the. Including 2 teacher. Total 4 ladkiyan thi and 9 ladke including me. Sab ladke mere close friends the and ladkiyan bhi mere biology batch ki hi thi.
Kam log hone ki wajha se school ne bus provide karne se mana kar diya. Fir ham logo ne decide kiya ki han log 3 car me jayenge. And car wise decide aisa hua ki mai apne dad ki car leke aane wala tha and kyonki mai achi gaadi chalata tha isaliye ladkiyon ne bola ki wo sirf mere gaadi me hi chalengi.
Picnic ke din ham sab school ke samane mile and fir wahan se nikalne ka plan hua. Woh 4 ladkiyan itna saaman laayi thi ki meri car me sirf unka hi saaman aaya isliye mujhe mere bag dusri car me rakhne pade. Ham pune se shaam me nikale and raat tak hamara resort me pahunchane ka plan tha.
Ham teeno gaadi ek saath school se nikale aur chalne lage. Aage jakar tragic bahut tha isaliye ham log ek saath nahi ja paye aur teeno gaadi alag alag ho gayi lekin ham log phone pe contact me the.
Hamari gaadi sabse piche thi aur traffic ki wajha se late bhi ho gaya tha bahut. Rasta ekdum sunsan tha raste pe sirf hamari akeli gaadi thi.
Kuch door jake jungle ke beech me hi hamari gaadi ka tyre puncture ho gaya. Achi baat ye thi ki mere paas spare tyre tha. Ham sab gaadi se utre and sab ladkiyon ka saaman nikala aur tyre bhi aur fir maine tyre change karna start kiya.
Road ke dono taraf jungle tha aur sloope bhi tha. Tyre change karne ke baad jab mai ek taraf gaya to mera pair fisal Gaya aur wahan jhadiyon me gaya, wahan kafi gahra tha ped aur tahaniyon ki wajha se mere pure kapde fat gaye. Shirt aur pant dono. Jab mai utha to dekha mere haath aur pair se khoon nikal raha tha aur mere pure kapde bhi fat gaye the. Mai uth kar gaadi ke paas aaya ladkiyan mujhe dekh ke hairan ho gayi. Wo gaadi se nikali aur first aid kiya. Lekin mere kapde itne fat gaye the ki mujhe samajh nahi aa raha tha kya karun mera bag bhi dusri gaadi me tha. Aur kyonki sab ladkiyan thi gaadi me mai bagar kapdo ke bhi nahi ja sakta tha. Tabhi ek ladki jiska naam Priyanka tha wo boli tum mere kapde pahan lo tumhe aa jayenge. Priyanka aur mera dono ka body structure same tha. Mai maan gaya maine socha wo koi tshirt aur payama degi. Lekin wo ek suit salwar nikal kar leke aayi.
No comments:
Post a Comment